Xəbər lenti

 

İslamdan qabaq cahiliyyət dövründə ərəblərdən kimsə bir işi görmək istədikdə, göyə baxar və göydə gör­dü­yü quşun sağ tərəfə, yaxud sol tərəfə uçmasıyla, görmək istədiyi işin uğurlu və ya uğursuz ola­cağını təyin edərdi. Habelə xoşagəlməz bir səs eşitdikdə və ya arzu edilməyən bir adam gördük­də, bunu uğursuzluq əlaməti hesab edərdilər. Bəziləri Şəvval ayında evlənməyi uğur­suzluq sayardılar. Aişə (Allah ondan razı olsun) bu cür etiqadın batil olduğunu bildirib demişdir: "Allahın Elçisi (salləllahu aleyhi və səlləm) mənimlə Şəvval ayında nikah bağlamış, habelə məni şəvval ayında öz evinə gətirmişdir...". Bundan başqa o vaxt ərəblər çərşənbə gününü, habelə Səfər ayını da uğuzsuz əlamət hesab edərdilər. Bunların və bunlara bənzər inancların hamısı batildir. Çünki hər bir işdə uğur və müvəffəqiyyət Uca Allahın əlindədir. O buyurur: "Əgər Allah sənə bir zərər toxundursa, bunu Ondan başqa heç kəs aradan qaldıra bilməz. Əgər sənə bir xeyir diləsə, heç kəs Onun lütfünün qarşısını ala bilməz. O, bunu Öz qullarından istədiyinə nəsib edər. O, Bağışlayandır, Rəhmlidir". (Yunus, 107).
Peyğəmbər (salləllahu aleyhi və səlləm) demişdir: "Bir şeyin uğursuz olmasına inanmaq Allaha şərik qoşmaqdır". (Əhməd 1/389).
Milli.Az zikr.az-a istinadən bildirir ki, bir dəfə Allah Rəsulunun (salləllahu aleyhi və səlləm) yanında uğursuzluqdan söz açıldı. Rəsulullah (salləllahu aleyhi və səlləm) uğursuzluq haqda buyurdu: "Ən yaxşısı xeyrə yozmaqdır. Uğursuzluq düşüncəsi heç bir müsəlmanı yolundan ayırmasın! Uca Allahın gücü və qüdrəti hər şeyə yetər. Əgər xoşagəlməz bir şey görsəniz, bu duanı oxuyun: "Allahummə lə yəti bil-həsənəti illə əntə va lə yədfəus seyyiəti illə əntə və lə havlə və lə quvvatə illə bik". (Allahım! Xeyirlər ancaq Səndəndir, şəri də ancaq Sən uzaqlaşdıra bilərsən. Yeganə güc və qüvvət sahibi Sənsən, həqiqi güc və qüvvət Səndəndir)". (Əbu Dəvud: "Tibb", 24).
Hər hansı bir şeyin uğursuz olmasına inanan Allahın xeyir və zərər verməsini inkar edərək bu işdə Ona şərik qoşur. Hər bir müsəlman Qurani Kərim və Peyğəmbərin (salləllahu aleyhi və səlləm) səhih hədislərində xəbər verilən doğru İslam inancını öyrənməyə çalışmalıdır.




Ana səhifəyə qayıt        Baxış: 1 130          Tarix: 18-11-2017, 21:18      

Xəbəri paylaş


Paylaş:   

Prizma