Xəbər lenti

 

Ermənistanın sabiq prezidenti Serj Sarkisyan Xorvatiyada çıxış edib.

Modern.az Ermənistan KİV-nə istinadən xəbər verir ki, Avropa Xalq Partiyasının qurultayına qatılan Sarkisyan Nikol Paşinyan hakimiyyətini sərt tənqid edib.

“İnqilab adı ilə hakimiyyətə gələnlər il yarım vaxt ərzində heç bir inqilabi dəyişiklik etməyiblər, xarici, nə də daxili siyasətdə irəliləyiş etməyiblər. Bundan əlavə, ölkədə təhlükəli, demokratik proseslərə, konstitusion əsaslara təhlükə yaradan hadisələr baş verir, hakimiyyətin balanslaşdırılması və bölünməsi prosesi getmir. Çoxsaylı faktlar məhkəmə sistemində müstəqilliyin pozulduğunu göstərir. Siyasi təqiblər həyata keçirilir”- deyə Sarkisyan əlavə edib.

O, cəmiyyətdə nifrətin hakim olduğunu, müxalifətin siyasi motivlərlə təqib olunmasını qeyd edib.

“Ötən il mən istefa verdim ki, mənim xalqım daha yaxşı dövlət qursun. Amma bu gün məni hakimiyyəti populistə verdiyim üçün qınayan insanların səsi daha yüksəkdən gəlir”.

Sarkisyan hakimiyyəti dövründə bəzi səhvlərə də yol verdiyin etiraf edib.




Ana səhifəyə qayıt        Baxış: 361          Tarix: 21-11-2019, 12:18      

Xəbəri paylaş


Paylaş:   

Prizma