indi ürəyimdə sən də dinmirsən 
üzünü çevirib getmisən nədi 
evimiz soyuqdu sobam istidi 
əllərim soyuqdu sevgim istidi

indi can verəcək yenə sevgimiz 
yenilər ayrılar tapacaq bizi 
köhnə yaraların üstündə vals tək 
yeni oyunlara atacaq bizi ..

indi amansızıq bir birimizə 
bizim bir birinə səsimiz yetmir 
axı necə deyim indiki sənə 
get qurban olduqum özünü gətir

indi tanımıram səni bu üzlə 
məndən utanırsan məndən qaçlrsan 
sanki mən ruhunda xəstəlik idim 
daha sağalmısan mənə baxmırsan

indi yoxluğuna məktub yazmıram 
indi ötüşürəm həsrətin ilə 
zəng edib səsinə qulaq asmıram 
ömürlük göz yumdum məhəbbətimə

indi çox susuram az danışıram 
güvənsiz olmuşam vecsiz olmuşam 
məni bu günlərə salan dərdimə 
indi mən özüm də bir dərd olmuşam.