Bu ilin yanvar-oktyabr ayları ərzində Azərbaycanda ictimai iaşə dövriyyəsi 2016-cı ilin müvafiq dövrü ilə müqayisədə real ifadədə 3,1 faiz artaraq 1073,2 milyon manat olub.

Dövlət Statistika Komitəsindən bildiriblər ki, özəl sektorda ictimai iaşə dövriyyəsinin 42,0 faizi hüquqi şəxs statuslu müəssisələrin, 58,0 faizi isə bu sahədə sahibkarlıq fəaliyyəti ilə məşğul olan fərdi sahibkarların payına düşür. Hüquqi şəxs statuslu müəssisələrdə dövriyyə 2016-cı ilin eyni dövrü ilə müqayisədə 3,2 faiz artaraq 449,8 milyon manata çatıb.//AZƏRTAC