Xəbər lenti

  

Azərbaycan İlahiyyat İnstitutu (Aİİ) fəaliyyətinin ilkin nəticələri ilə bağlı mətbuat konfransı keçirməyi planlaşdırır.

Ovqat.com xəbər verir ki, məlumatı Aİİ-nin Mətbuat Xidməti yayıb.

Məlumata görə, 24 oktyabr 2018-ci il saat 11:00-da keçirilməsi planlaşdırılan mətbuat konfransında bütün media qurumlarının iştirakı nəzərdə tutulub:

 “Konfransda Aİİ-nin təsis edildiyi vaxtdan bu günə qədər olan fəaliyyəti, ilk tədris ilinə hazırlığı, reallaşdırdığı layihələr və gələcək perspektivləri barədə məlumat veriləcək.

 Qeyd edək ki, Aİİ 2018-2019-cu tədris ilində fəaliyyətinə İslamşünaslıq və Dinşünaslıq ixtisasları üzrə başlayıb. İnstitutda dünya standartlarına cavab verən yüksək təhsilin verilməsi üçün zəruri olan tələblər yerinə yetirilib.

Xatırladaq ki, Azərbaycan İlahiyyat İnstitutu Azərbaycan Respublikasının Prezidenti cənab İlham Əliyevin 9 fevral 2018-ci il tarixli Sərəncamı ilə yaradılıb. İnstitutun yaradılmasında əsas məqsəd Azərbaycan xalqının tarixi ənənələrinə söykənən və dövlət siyasətinin məntiqi nəticəsi olan dini-mənəvi mühitin qorunub saxlanılmasını və inkişaf etdirilməsini, dini fəaliyyətin təşkili sahəsində yüksəkixtisaslı kadrların və mütəxəssislərin hazırlanmasını təmin etməkdən ibarətdir”.




Ana səhifəyə qayıt        Baxış: 812          Tarix: 10-10-2018, 13:42      

Xəbəri paylaş


Paylaş:   

Prizma