Xəbər lenti
14-11-2018, 20:40

 

Hazırda həbsdə olan "Quska" ləqəbli iş adamı Hüseyn Abdullayevin vəkili dəyişib.

Ovqat.com "Qafqazinfo"ya istinadən xəbər verir ki, H. Abdullayevin müdafiəsinə Vəkillər Kollegiyasının üzvü Cavid Rzazadə qoşulub.

C. Rzazadə məlumatı təsdiqləyib və bildirib ki, artıq müvəkkili ilə görüşüb: "Hazırda səhhəti ümumi olaraq normaldı, amma bəzi narahatlıqlar var, arterial təzyiqi stabil deyil. Yaxın qohumları və müdafiəçiləri ilə telefon əlaqəsi saxlamasına və qohumları ilə görüşməsinə qoyulan məhdudiyyətin götürülməsi üçün mənə istintaq orqanına vəsatətlə müraciət etməyi tapşırıb". 

C. Rzazadə digər vəkillərin H. Abdullayevin müdafiəsini davam etdirib-etdirməyəcəyinə aydınlıq gətirib: "Əvvəlki vəkillərindən imtina etmək niyyətindədir. Yaxın günlərdə başqa vəkillər də onun müdafiəsinə qoşulacaq".

Rəsmi açıqlamaya görə, “Araz İNC” MMC-də 1 milyon 436 min manat məbləğində vəsaitin dövlət büdcəsinə ödəməməsi faktı üzrə 7 iyun 2013-cü il tarixdə Cinayət Məcəlləsinin 213.2.2-ci (vergi ödəməkdən yayınma) maddəsi ilə cinayət işi başlanıb. İstintaq zamanı cəmiyyətin fəaliyyətinə faktiki rəhbərlik etmiş Abdullayev Hüseyn Abbas oğlu iş üzrə Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilmiş və ölkədən kənarda istintaqdan gizləndiyi üçün barəsində məhkəmə qərarı əsasında həbs qətimkan tədbiri seçilməklə “İnterpol” xətti ilə beynəlxalq axtarış elan olunub.

3 oktyabr 2016-cı il tarixdə H.Abdullayevə ümumilikdə 1 milyon 810 min manat məbləğində vergiləri dövlət büdcəsinə ödəməkdən yayındırması və xüsusi razılıq (lisenziya) tələb olunduğu halda belə razılıq almadan tikinti-quraşdırma işlərini həyata keçirərək 966 min manat məbləğində gəlir əldə etməsinə əsaslı şübhələr müəyyən edildiyindən Cinayət Məcəlləsinin 192.2.2 (qanunsuz sahibkarlıq) və 213.2.2-ci maddələri ilə yenidən ittiham elan edilməsi barədə qərar çıxarılmışdır. Təqsirləndirilən şəxs H.Abdullayev Türkiyədə tutularaq 22 aprel 2018-ci il tarixdə Azərbaycan hüquq mühafizə orqanlarına təhvil verilib. 

"Quska" həm də hədə-qorxu ilə pul tələb etməkdə ittiham edilir.




Ana səhifəyə qayıt        Baxış: 194          Tarix: 7-11-2018, 11:09      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent