Xəbər lenti

 

“Azərbaycan hakimiyyəti Türkiyədən dərs almalıdır. ABŞ, Rusiya, Qərb ölkələri, İraq, İran və s. dövlətlərin iradəsinin ziddinə Türkiyə ordusu Şimali Suriyada hərbi əməliyyatlara başladı. Üstəlik, həmin ərazilər Türkiyənin də deyil. Amma Şimali Suriyada kürd separatçılarının yürütdüyü siyasət Türkiyənin milli maraqlarını, torpaq bütünlüyünü təhdid etdiyi gərəkçəsiylə ölkənin prezidenti “Sülh bulağı” əməliyyatına başladığını elan etdi və Türk ordusu hərəkətə keçdi”.

Ədalət partiyasının sədri, hüquq elmlər doktoru İlyas İsmayılov Ovqat.com-a açıqlamasında belə deyib.

O, bildirib ki, Türkiyədən fərqli olaraq Azərbaycanın nəinki ərazi bütövlüyü təhlükə altındadır, hətta ermənilər torpağımızın 20%-ni işğal ediblər: “Ermənistanın Baş naziri  bizim torpaqlarda at oynadır. “Qarabağ Ermənistanındır. Nöqtə” bəyanatı verəcək qədər həyasızlıq nümayiş etdirir. Biz isə onun “nöqtə”sinə “nida” işarəsi ilə cavab veririk. Media nümayəndələrimiz isə bunu toy-bayram edirlər. Halbuki, qrammatikaya görə, nöqtə bitmiş fikri, nida isə qorxu və həyəcanı ifadə edir. Nida heç vaxt nöqtənin adekvat cavabı ola bilməz. Paşinyanın adekvat cavabı terrorizmə qarşı hərbi əməliyyatlarla verilməlidir”.

Bizim rəsmi ideoloqlarımızın Qarabağ probleminin beynəlmiləlləşdiyini əsas gətirib Rusiyadan və ABŞ-dan icazə almadan hərbi əməliyyatlara başlamağımızın mümkünsüzlüyünü iddia etdiklərini deyən İlyas İsmayılovun fikrincə, bu arqumentin nə qədər çürüklüyünü Türkiyə prezidenti R.T.Ərdoğan sübuta yetirdi:

“Şimali Suriya da beynəlmilləlləşmiş konflikt idi. ABŞ da, Rusiya da, İran da və s. ölkələr də Türkiyənin bu əməliyyatına qarşı çıxırdılar. Amma Ərdoğan və Türkiyə hökuməti qəti iradə ortaya qoyaraq bütün tərəfləri geri çəkilməyə məcbur etdi. PKK-nın ən yaxın müttəfiqi olan ABŞ-ın ölkə başçısı ordusunu geri çəkməklə müttəfiqləri qarşısındakı etibarlılığını belə, şübhə altına qoydu. Bu, çox ciddi imic ləkələnməsi idi və ABŞ-a bu məğlubiyyəti yaşadan cənab Ərdoğanın qətiyyəti və vətənpərvərliyi oldu”.

Türkiyənin son hərbi əməliyyata başlayan kimi, Rusiyanın, İranın, Fransanın da narahat olduğunu və bunu açıq şəkildə nümayiş etdirdiklərini xatırladan İlyas İsmayılov Ərdoğanın öz mövqeyindən çəkilməməsini  alqışlayır. Xüsusilə rəsmi Tehranın mövqeyinin anlaşılmaz olduğunu vurğulayan partiya sədri PKK-nın İranı da təhdid etdiyini söylədi:

“Xarici dövlətlər tərəfindən maliyyələşdirilən kürd separatizmi regionda əsasən 4 dövləti təhdid edir. Onlardan biri Türkiyə, digərləri isə İran, İraq və Suriyadır. Məntiqlə, Türkiyənin bu əməliyyatı sözügedən bütün dövlətlərin marağına uyğundur. İran isə perspektivi görmür, bugünün kiçik maraqları ilə hərəkət edərək Türkiyəyə mane olmağa çalışır. Halbuki, Şimali Suriyada qondarma “Kürdüstan” layihəsinə son qoyulsa, İran da öz qərb əyalətlərindəki terrorizmlə daha rahat mübarizə aparar. Ən azı ona görə ki, kürd separatçılarının logistik dəstəyi kəsilər və onlar qısa zaman ərzində yox olub gedərlər. İrandakı “PJAK” təşkilatının logistik məkanı isə İraq və Suriyadır”.

İranın ümumiyyətlə yaxın qonşuları ilə münasibətlərini düzgün qurmadığını deyən həmsöhbətimiz onun Azərbaycanla münasibətlərini də bunun bariz nümunəsi sayır:

“Bilirsiniz ki, son zamanlar Ermənistanla münasibətlərini yaxşılaşdıran İran Azərbaycana qarşı “səlib yürüşünə” başlayıb. Bəzən özü, bəzən də İraqdakı Həşdi-Şabi komandanlarını çıxarıb ölkəmizi təhdid edir. Hətta imam-cümələrindən biri Azərbaycan səfirini yanına çağırıb öyüd-nəsihət verir. Sağ olsun səfiri, onun cavabını yaxşı verdi. Amma gərək onun görüşünə getməyəydi. İmam-cümə kimdir ki, səfirlə görüşsün? Bunun üçün dövlətlərin xarici siyasət idarələri var. İranın XİN dura-dura imam cümə niyə diplomatik söhbətlərə qarışır? İmam cümələr ancaq öz sakinlərinin dini rəhbərləri ola bilərlər. Onlara namaz qıldırar, cümə günləri xütbə oxuyarlar. Nəsihətini də öz sakinlərinə verərlər, Bir imam-cümənin başqa ölkənin səfirini yanına çağırıb nəsihət verməsi ona öz təəbəəsi kimi baxmasına dəlalət edir. Səfir də gərək bu rəftarı qəbul etməydi və Azərbaycan XİN gərək buna ən sərt münasibət bildirərdi.

İmam-cüməyə sərrast və savadlı cavab verən bir səfirin bu diplomatik qaydaları bilmədiyinə inanmayan İlyas müəllim həmin məsələdə XİN-nin rəhbərliyini günahlandırır:

“Çünki səfir belə görüşlərə özbaşına getməz. Yəqin ki, imam-cümədən görüş təklifi alan səfir bu barədə XİN-ni məlumatlandırıb. Bakıdan da ona dəvəti qəbul etmək tapşırılıb. Səfir də bu tapşırığı yerinə yetirib”.

XİN-nin bu cür səbatsız addımlarını ona rəhbərlik edənlərdən qaynaqlandığını düşünən partiya sədri sözlərini belə davam etdirdi:

“Bizim Xarıci işlər nazirimiz beynəlxalq tədbirlərdə yuxulamaqla məşğuldur. Özü də mən bunu təkcə müstəqim mənada demirəm, onun ümumiyyətlə bütün fəaliyyətinə şamil edirəm”.




Ana səhifəyə qayıt        Baxış: 2 342          Tarix: 10-10-2019, 14:54      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent