Xəbər lenti
Bu gün, 00:01
Dünən, 17:55

 

Birləşmiş Ştatlar İran Mərkəzi Bankının sədrinə sanksiyalar qoyub. Vaşinqton onu “terrorçu fəaliyyətlərə dəstək verməkdə” ittiham edir.

ABŞ Maliyyə Nazirliyinin Xarici Aktivlərə Nəzarət Ofisinin mayın 15-də İran MB-nin sədri Vəliullah Seifə və həmin bankın başqa bir rəsmisi Əli Tərzəliyə sanksiyalar elan etməsi o deməkdir ki, onlarla biznes əməkdaşlığına girən şəxs və şirkətlər ABŞ-ın maliyyə sistemindən məhrum edilə bilərlər.

Bu iki bank rəsmisinin adı “qlobal terrorçular” siyahısına daxil edilib və onlar İran İslam İnqilabı Keşikçilərinin adından Livandakı “Hizbullah”ın dəstəklənməsi üçün milyonlarla dolları köçürməkdə ittiham olunurlar.

ABŞ maliyyə naziri Stiv Mnuçinin bəyanatında deyilir ki, İran Mərkəzi Bankı rəhbərinin Hizbullah kimi qruplaşmalara maliyyə dəstəyi verməsi “rüsvayçı olsa da, təəccüblü deyil”. (https://home.treasury.gov/news/press-releases/sm0385)

Nazir həmçinin bildirib ki, Birləşmiş Ştatlar İranın beynəlxalq maliyyə sistemindən sui-istifadə etməsinə yol verməyəcək. Lakin bəyanatda deyilir ki, sanksiyalar İran Mərkəzi Bankının özünə bir təsisat kimi şamil edilmir.

ABŞ Maliyyə Nazirliyi habelə Tehrandan Livandakı “Hizbullah”a vəsait köçürülməsində iştirak etmiş İraq İslam Bankını və onun direktorunu“qara siyahıya” salıb.

Mayın 10-da ABŞ daha doqquz iranlıya və İran vahidinə sanksiyalar elan etmişdi. Onlar İslam İnqilab Keşikçiləri Korpusunun Qüds qüvvələrinə maliyyə dəstəyi verməkdə ittiham olunurdular.

(https://www.treasury.gov/resource-center/sanctions/OFAC-Enforcement/Pages/20180510.aspx)

Bu sanksiyalar prezident Trampın ABŞ-ın İranla nüvə sazişindən çıxmasını elan etməsi ilə eyni vaxta təsadüf edir.

Maliyyə Nazirliyinin bəyanatında bu da bildirilir ki, ABŞ avqustun 7-dən başlayaraq “İran hökuməti tərəfindən ABŞ dolları əskinaslarının əldə edilməsinə” sanksiya qoyacaq.

Noyabrın 5-dən isə bu banklarla “müəyyən və əhəmiyyətli tranşlarda bilərəkdən iştirak etmiş şəxslərə” təkrar sanksiyalar elan olunacaq.

Azadlıq Radiosu




Ana səhifəyə qayıt        Baxış: 151          Tarix: 16-05-2018, 08:04      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent