Xəbər lenti
7-03-2019, 22:48

 

Nazirlər Kabinetinin qərarına əsasən paytaxt Bakıda həyata keçirilən pilot layihə çərçivəsində köhnə və qəzalı vəziyyətdə olan yaşayış binalarının sökülməsi yeni bir kütlənin kirayə mənzil bazarına axın etməsinə səbəb olub. Nəticədə son aylarda Bakıda kirayə mənzillərin qiymətinin hiss olunacaq dərəcədə artması ilə yanaşı, mənzil tapmaq da müşkülə çevrilib.

Belə ki, pilot layihənin qaydalarına görə, sökülən binaların sakinləri yeni bina hazır olana qədər işi aparan şirkətin vəsaiti hesabına kirayə mənzillərə köçürülür. Yeni binada mənzillər tam təmir olunduqdan sonra həmin sakinlərə təhvil verilir. Bu proses əsasən şəhərin mərkəzində, metrostansiyaların yaxınlığında, magistral yollara və infrastruktura yaxın ərazilərdə yerləşən mənzillərin bahalaşmasına səbəb olub.

Musavat.com-un müxbiri kirayə mənzil bazarında son durumu öyrənmək üçün Nizami rayonu ərazisindəki “maklerlər bağı”na və alqı-satqı ofislərinə  baş çəkib. Son zamanlar “makler bazarı”nda kirayə mənzil axtaranların sayı artıb.  Buna baxmayaraq, vətəndaşlar istədiyi şərtlə ev tapmaqda çətinlik çəkirlər.

Ev dəlalları da etiraf edir ki, son aylarda kirayə mənzil bazarında qıtlıq yaşanıb: “Nizami rayonu ərazisində kirayə ev tapmaq çətinləşib. Metroətrafı ərazilərdə isə boş kirayə ev demək olar ki, yoxdur. Son üç ayda hər gün toplaşdığımız “maklerlər bağı” müştərilərlə dolub-daşır. Müştərilərin əksəriyyəti metro ətraflarında, mərkəzə yaxın ərazilərdə ev tutmaq istəyir. Ancaq tələbat çox olsa da, kirayə evlər azdır”.

“Makler”lərin sözlərinə görə, bu qıtlıq  rayon ərazisində pilot layihə çərçivəsində aparılan söküntü işləri ilə əlaqəlidir:“Kirayə mənzillərin qıt olması avtomatik olaraq, bahalaşmaya səbəb olub. Müştərilər müraciət edərkən onlara istədikləri göstəricilərə uyğun ev təklif etməkdə çətinlik çəkirik. Yəni, əvvəlki kimi müştərilərə bir neçə variant təklif edə bilmirik. Bu durum mənzil sahibləri üçün bir fürsətə çevrilib. Onlar evlərini daha baha qiymətə kirayə verməyə niyyətlənirlər. Təəccüblü olsa da, baha təklif edilən bu evlərə belə, qısa zamanda tələbat yaranır. Nəticədə bahalaşma baş verir. Hazırda 300-400 manat arasında təklif olunan evlərin qiymətində ən azı 50 manat artım olub”.

Başqa bir “makler” evini kirayə vermək istəyənlərin sayının azaldığını bildirdi: “Artıq əksər ev sahibləri bizə müraciət etmir. Kirayə evlərə tələbat o qədər çoxdur ki, mənzil sahibləri özləri rahatlıqla müştəri tapa bilirlər. Son aylarda kimsə gəlib, evini kirayə vermək üçün ofisə müraciət etməyib. Özləri makler bazarına gedərək, qısa zamanda rahatlıqla müştəri tapırlar”.

Bir neçə ev dəllalı arasında apardığımız sorğuya uyğun olaraq, Nizami rayonu ərazisindəki orta təmirli, əşyalı və əşyasız evlərin ümumi qiymətini müəyyənləşdirə bildik.

Belə ki, birotaqlı əşyalı evin qiyməti 250-300 manat, ikiotaqlı əşyalı evin 350-400 manat, üçotaqlıların qiyməti isə 450-600 manat arasında dəyişir. Qeyd edək ki, boş evlə əşyalı evin arasında 100-150 manat qiymət fərqi var.

Məğrur MƏRD,
Musavat.com,
Fotolar müəllifindir.

 




Ana səhifəyə qayıt        Baxış: 156          Tarix: 23-12-2018, 16:15      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent