Xəbər lenti
17-08-2019, 16:20

 Bakı Ağır Cinayətlər Məhkəməsində arvadını qətlə yetirməkdə ittiham olunan Masallı rayon sakini, 38 yaşlı Rövşən Dadaşovun cinayət işi üzrə məhkəmə prosesi keçirilib.

Virtualaz.org-un xəbərinə görə, prosesdə ittiham aktı elan edilib.

İttihama görə, R. Dadaşov azyaşlı uşaqlarının gözü qarşısında arvadı A. Dadaşovanı yüngül həyat tərzi keçirdiyinə görə dəmir parçası ilə qətlə yetirib.

Təqsirləndirilən R.Dadaşov ona elan olunmuş ittihamla özünü qismən təqsirli bilib. O, törətdiyi əməldən peşman olmadığını deyib: “Hadisə uşaqların gözü qarşısında baş verməyib. Uşaqların heç nədən xəbəri olmayıb. Danmıram, arvadımı öldürmüşəm. Kişiyəm, namusumu təmizləmişəm. Polisə də özüm məlumat vermişəm. Polis məni aparanda uşaqları da qardaşıma verdim ki, o saxlasın”.

Zərərçəkmiş şəxsin hüquqi varisi ifadəsində hadisə barədə televiziyadan eşitdiyini deyib: "Qonşular hansısa kanalda baxmışdı. Mənə dedilər, hazırlıq elədim. Yoldaşım xəstəydi, ona demədim. Sonradan xəbər tutdu. Bu adamın dediklərinin hamısı yalandır. Rövşən ömrü boyu işləməyib. Bir əlim onların üstündə idi. Bizi həmişə təhdid edirdi ki, sizi öldürəcəyəm”.

Şahid qismində dindirilən Amil Dadaşov ifadəsində hadisə ilə bağlı qardaşının ona məlumat verdiyini deyib: "Qardaşımın da, mənim də telefonumda qızın ərəblərlə olan əxlaqsız şəkilləri, videoları var. Barlarda, diskotekalarda videoları var. Qardaşım yaxşı eləyib onu öldürüb. Onların nəslinin hamısı xarabdır. Ataları da biqeyrətdir. Zalda bir az da qalsa, mən də onu öldürəcəm".

Hakim təqsirləndirilən şəxsin qardaşını zaldan çıxarıb.

Şahid qismində dindirilən Təranə Kazımova bildirib ki, Aidə ilə iş yoldaşı olublar, gecələr gecə klubunda birlikdə işləyiblər: “Mənə demişdi ki, həyat yoldaşından boşanmaq üçün ərizə verib".

Məhkəmə prosesi avqustun 9-da davam edəcək.

Qeyd edək ki, qətl hadisəsi bu il yanvarın 11-də Nəsimi rayonunda baş verib. Masallı rayon sakini Rövşən Dadaşov yaşadığı evdə həyat yoldaşı, 31 yaşlı Aidə Dadaşovanın başına küt alətlə vuraraq onu qətlə yetirib.

Hadisənin qısqanclıq zəminində törədildiyi ehtimal edilir. R.Dadaşov əvvəllər oğurluğa görə məhkum olunub.

Virtualaz.org




Ana səhifəyə qayıt        Baxış: 59          Tarix: 3-08-2019, 08:30      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent