Qoyun insana dedi:
-Hər il mənim övladlarımın payı olan südümü içdin, bağışladım. Vaxtaşırı övladlarımı kəsib yedin, "sahibimsən, qurbanın olsun" deyib keçdim. Nəslimin qətliamına bayram etdin, "insandır, ağlı o qədər kəsir" deyə susdum. Amma sənə bir tərbiyəsizliyini əsla bağışlamayacağam. O dünyada iki əlim bir yaxanda olacaq.
Qoyunun bu cəsarətinə heyrətlənən insan qəzəblə soruşdu:
-A, qoyun balası qoyun, mənim hansı tərbiyəsizliyimdən bəhs edirsən?
-Hər dəfə Qurban bayramı gələndə kəsməyə əsasən oğullarımı apardın. Amma son anlarını yaşayan oğullarıma gəlin paltarı geyindirdin. Bax, mənə ən çox təsir edən də budur - südəmər oğullarımı ərə gedən qız yerinə qoyub təhqir etməyin. Sənə hər şeyi bağışlayaram, amma bu sayğısızlığını əsla.
Heydər Oğuz
Paylaş: