Dövlət başçısı dəfələrlə bəyan edib ki, bir çox məmurlar harın və iddialı övladlarının tərbiyəsinə nəzarət etməlidir. Azərbaycanda onlarla nümunə var ki, iri çinli məmurların harın övladları insanların həyatı bahasına başa gələn əməllər törədiblər. 

Nəticə etibarilə də məmurlar vəzifələrini itirmək zorunda qalıblar. Bu harın övladlar da cəzalandırılıb. 

Lakin bəzi məmurlar var ki, uzun illər vəzifədə olandan sonra yığdıqların ıqoruyub saxlamaq üçün fərqli taktika seçirlər. Özləri ilə yanaşı, yaxın ailə üzvlərini də zənginə çevirir, topladıqları əmlakları da qorumağa çalışırlar. Belə məmur övladlarından biri də Xəzər rayonu Şüvəlan bələdiyyəsinə rəhbərlik edən İlham İslamovdur. 
Gülağa İslamov oğlunu bələdiyyədən başçılığa gətirmək istəyir
İlham İslamov uzun illər vəzifədə olmuş, Xəzər rayonun sabiq icra başçısı Gülağa İslamovun oğludur. 

Gundeminfo.az-a danışan mənbə bildirir ki, hələ 22 yaşından Şüvalan bələdiyyəsinə sədr seçilən İlham İslamov qısa zamanda atasının icra başçısı olduğu dönəmlərdə böyük sərvət toplayıb. Şüvəlan kimi böyük bir ərazisi olan qəsəbədə bir qarış da satmadığı, ələ keçirmədiyi torpaq sahəsi qalmayıb. Araşdırmalar zamanı məlum olur ki, haqsız yerə satışa çıxarılan, qanunsuz olaraq sztılan və mənimsənilən torpaqlarla bağlı xeyli sayda mübahisələr hazırda Azərbaycan məhkəməlirndə müzakirə edilir. 

Bildirilir ki, bələdiyyə mülkiyyəti olmayan torpaqları da İlham İslamov satışa çıxarıb. Atasının da dəstəyini alaraq İcra Hakimiyyəti vasitəsilə əmrində olan yerli icra sturkturlarına güvənərək torpaqları sata bilib. 

Nəticə etibarilə də atası ilə milyonlarla dəyərində mülk və torpaq sahələrinə sahiblənə bilib. 

Saytımıza danışan mənbə iddia edir ki, hazırda İlham İslamov mövcud imkanlarını qoruyub saxlamaq, gələcək üçün daha güvənli həyat qurmaq üçün icra başçısı olmaq istəyir. İddialara əsasən İ.İslamov atasının keçmiş məqamına sahiblənmək üçün bütün imkanlarını səfərbər edib. İşdən atılandan sonra vəzifə ala bilməyən Gülağa İslamov da heç olmasa oğlunu Xəzərdə icra başçısı təyin etdirmək istəyir. 

Bütün bu iddialarla bağlı qarşı tərəfin də mövqeyini dinləməyə hazırıq.