Qloballaşan Dünyaya İnteqrasiya İctimai Birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə həyata keçirdiyi “Azərbaycanın turizm potensialının sosial və internet media vasitəsilə təbliği” layihəsi çərçivəsində Bakı Dövlət Universitetinin Jurnalistika fakültəsində “Azərbaycan turizminin təbliği naminə effektli bloqçuluq” mövzusunda 2 dəfəlik təlim keçirilib. Təlimçi, Yeni Media Jurnalistləri İctimai Birliyinin sədri, Strateq.az saytının redaktoru Xaqani Səfəroğlu tərəfindən keçirilən təlimdə xarici dildə Azərbaycan turizmi haqqında yazılarla effektli bloqçuluq fəaliyyətinin yolları tələbə-gənclərə başa salınıb, bununla bağlı praktiki vərdişlər aşılanıb. Təlimdə 20 tələbə-gənc iştirak edib. Təlimi bitirmiş gənclərə sertifikatlar verilib.

Qeyd edək ki, yuxarıda qeyd edilən təlimdən əlavə, 4 aylıq layihə çərçivəsində artıq “Sosial şəbəkələrdə Azərbaycan turizminin təbliği ilə bağlı aktiv və düzgün iştirak”, “Xarici internet mediada Azərbaycan turizminin təbliğinə həsr edilmiş kəsərli məqalələrlə çıxış”  mövzularında təlimlər keçirilib. Həmçinin, İsmayıllıda mövzuya uyğun daha bir təlimin keçirilməsi, “Yenimedia.info” saytının bu sahəyə aid yazılarla fəaliyyət göstərməsi üçün təkmilləşdirilməsi və turizmin təbliğinə aid kitabçanın çapı nəzərdə tutulur.