Beynəlxalq Atom Enerjisi Agentliyinin (BAEA) ekspertləri Zaporojye AES (ZAES) rayonunda döyüş əməliyyatlarının yenidən başladığını qeydə alıblar.

Oxu.Az xəbər verir ki, bu barədə təşkilatın baş direktoru Rafael Qrossi məlumat verib.

"Stansiyada olan BAEA əməkdaşlarının hesabatına görə, onlar son günlərdə stansiyaya lap yaxın məsafədə hərbi əməliyyatlar aparıldığını eşidiblər. Bəzi günlərdə BAEA komandası, təxminən, 20 dəfə, bəzən isə daha çox partlayış və atışma səsləri eşidib", - deyə agentliyin mətbuat xidməti onun sözlərini təqdim edib.