Ukrayna Prezidenti Volodimir Zelenskinin Ofisinin rəhbəri Andrey Yermak bəyan edib ki, rəsmi Kiyev sülh müqabilində ərazi güzəştlərinə getməyəcək.

Oxu.Az xəbər verir ki, o, "The Atlantic" jurnalına müsahibəsində Ukrayna dövlətinin başçısının heç vaxt belə bir sənədə imza atmayacağını vurğulayıb.

Yermak nəşrə deyib: "Bu gün heç bir ağlı başında olan şəxs ərazidən imtina barədə sənədə imza atmaz. Nə qədər ki, Zelenski hakimiyyətdədir, heç kim təslimçilik gözləməsin. Konstitusiya belə addımları qadağan edir. Kimsə Ukrayna Konstitusiyasına və xalqına qarşı çıxmaq istəməsə, bunu edə bilməz".

Eyni zamanda, Yermak Kiyevin demarkasiyanı müzakirə etməyə hazır olduğuna aydınlıq gətirib: "Hazırda həqiqətən danışa biləcəyimiz yeganə məsələ təmas xəttini müəyyən etməkdir".