PKK terror təşkilatının Suriyadakı hərbi qanadı olan YPG döyüşçülərinin əksəriyyət təşkil etdiyi “Suriya Demokratik Gücləri”nin tərkibində yeni bir təşkilat qurulub.

Publika.az “Hürriyyət” nəşrinə istinadən xəbər verir ki, “İnqilabçı Qüvvələr” adlı təşkilat keçirdiyi bir mərasimdə əsas hədəfini açıqlayaraq Türkiyəni təhdid edib.

Təşkilatın rəhbəri Hesam Hidro əsas məqsədin “bölgədə təhlükəsizlik və sabitliyin qorunmalı” olduğunu bildirib. Suriyanın şimalını İŞİD terror təşkilatından təmizləyən Türkiyə Silahlı Qüvvələri “Osmanlı müstəmləkəçiləri” adlandıran Hidro onları ölkədən çıxaracağına söz verib.