Xəbər lenti
27-05-2020, 22:24
HARAY , AZƏRBAYCANIM, HARAY...
Ürəyimi yedi bu qəm , çağırdım,
Vətən dedim , yandı sinəm , bağırdım,
 Səhər-axşam Savalandan çağırdım,
Haray ruhum , canım haray ,
Haray , Azərbaycanım haray....
Qoy son bulsun sinəndəki dərdlərin,
Bərpa olsun sərhədlərin , sədlərin,
Bütövləşsin ayrı düşən ellərin,
Millətimə ucalt saray,
 Haray , Azərbaycanım haray...
Qollarımı bayrağına doladım,
Göz yaşımla torpağını suladım,
Bozqurd olub dağlarında uladım,
Ki , birləşsin o tay , bu tay,
 Haray , Azərbaycanım haray ...
         -0-
Tənha yalquzaq kimiyəm
Dağlarda umud gəzirəm.
Parçalanan, ayrı düşən
 Böyük ulus, yurd gəzirəm.
*****
Saçlarımı rüzgar darar,
Gözüm yovşan otu arar
Dəli könül hara varar ?
 Olmuşam bir qurd gəzirəm
*****
Düşmən durub sağda, solda
Yürüyürəm çətin yolda
Üstüm-başım qanlı halda
 Gözüm olub dörd gəzirəm.
*****
Türküm qalıb darda , gəlin
Bu talanan yurda gəlin
Bəs hardasız , harda , gəlin
Bağrımda min dərd gəzirəm.
 
 
Ermənilər Qarabağda yeni seçki keçirdilər...
Ruh savaşır , ürək dindi,
Dözmək olmur çox çətindi,
 Biz bir olaq bəlkə indi,
Hazırlanaq , vətən oğlu !
Daha bəsdi gəl , amandır,
Dağ başında ocaq yandır,
Bir haray çək sən oyandır,
 Hazırlanaq , vətən oğlu !
Xəbər eylə dost-yoldaşa,
Komandanlar gəlsin başa,
Qarabağda son savaşa,
 Hazırlanaq , vətən oğlu !
 
And
Ehey vətən oğlu dayanma orda,
Görənlər o yeri daşlayar bir gün.
 Qayıdar göylərə gedən ruhlar da ,
Ruhların üsyanı başlayar bir gün.
Bir gün açılacaq qollardan qandal,
Yenə haykıracaq o susan dillər.
Bu yanan ürəklər olacaq manqal,
 Ayağa qalxacaq bu yatan ellər.
Torpaq başdan-başa açacaq çiçək
Baxarsan hər tərəf aldı , əlvandı.
 Sözünü bu vətən , millət deyəcək
 Yenə içiləcək bütövlük andı.
 
Vətən
İndi hamı can dərdində...
Unuduldun yenə vətən.
 Qan tökülür sərhədində
Sərhəddir bu sinə vətən.
Gecə-gündüz qurşunlanır
Sağalmır ki , yaram vətən.
Gözüm, könlüm qürurlanır
 Mən səninlə varam vətən.
Daha verməm əldən-ələ
Qurumur göz yaşım vətən.
Gəldim , məni şəhid elə
 Sənə qurban başım vətən.
 
İÇİMİZDƏ...
Yaxına , uzağa söz deyəmmirik
Nə vaxtdı qovrulur söz içimizdə.​​​​
 Gözlə deyəmmirik , döz deyəmmirik
Belə dolanırıq göz içimizdə.
Çoxları kef çəkir dizdə , qucaqda,
Fikirlər sülənir küncdə , bucaqda,
Yanırıq nə vaxtdı odda , ocaqda,
 Hələ tüstülənir köz içimizdə.
Ötüşmür günümüz böhtansız , şərsiz,
Ötüşmür günümüz səhvsiz , xətərsiz,
Mələklər bizlərə bizdən xəbərsiz,
 Nəzarət eyləyir öz içimizdə.


Ana səhifəyə qayıt        Baxış: 707          Tarix: 6-04-2020, 19:07      


Paylaş: