Rusiyalı təxribatçı Vladimir Solovyovun Ukraynadakı bir neçə körpünü, xüsusən də Kiyevdəki körpüləri tamamilə dağıtmağı tələb etməsi informasiya təzyiqinin bir hissəsidir.

Axar.az xəbər verir ki, bunu ukraynalı hərbi ekspert Aleksandr Stupak deyib.

Stupak belə bəyanatları informasiyon təzyiqin bir hissəsi adlandırıb və onların əsas məqsədinin qorxu yaymaq olduğunu bildirib:

“Propaqandanın məqsədi insanları qorxutmaqdır, ki, insanlar şəhərləri tərk etməyə başlasınlar”.

Onun fikrincə, belə planları reallaşdırmaq üçün real texniki məhdudiyyətlər mövcuddur.

Stupak əlavə edib ki, böyük körpüləri, o cümlədən Kiyevdəkinə bənzər köhnə körpüləri dağıtmaq üçün genişmiqyaslı, hədəfə yönəlmiş zərbələr lazımdır.

Qeyd edək ki, daha öncə Solovyov açıqlamasında Kiyev üzərindən keçən körpülərin məhv edilməli, su anbarının sıradan çıxarılmalı olduğunu bəyan edib.