Türkiyədə yaşayan iş adamı, ARS SPOR şirkətinin rəhbəri Elşən Rəsulov Almaniyada fəaliyyət göstərən “AZE NAKHCHIVAN-KÖLN” SK Futbol Klubuna dəstək verib. 
 
Ovqat.com-a bu barədə məlumat klubun mətbuat xidmətindən verilib. 
 
Məlumata görə, iş adamı Almaniyanın Köln şəhərdə yeni yaranmış kluba süni ot örtüklü stadion inşa etmək arzusunda olduğunu bildirib.  Razılıq əldə edildikdən sonra klub rəhbərliyi stadionun inşası üçün Köln şəhər bələdiyyəsi ilə danışıqlara başlayıb. Texniki məsələlər Köln bələdiyəsi ilə razılaşdırılıb. 
 
Mütəxəssislərin bildiriyinə görə, belə bir stadionun Kölndə tikintisi 800 000 avroya başa gəlir. 
 
Onu bildirək ki, Elşən Rəsulov öz sahəsində uğur qazanmış gənc iş adamıdır. O, Türkiyənin İstanbul şəhərində idman komplekslərinin inşası ilə məşğul olan ARS SPOR şirkətinin sahibidir. Bu şirkət indiyə qədər dünyanın 70-dən çox ölkəsində futbol, basketbol, tennis, golf və sair idman növləri üçün nəzərdə tutulmuş komplekslər inşa edirlər.
 
Elşən Rəsulov Belçikada yerləşən ULB Universitetini bitirib.