Xəbər lenti

  

 

 

Ümid Partiyasının sədri, 35 saylı Xətai Üçüncü Seçki Dairəsindən deputatlığa namizədliyini irəli sürmüş İqbal Ağazadənin Xətai Rayon İcra Hakimiyyətinə ünvanlı video-müraciəti yayılıb.

"Ümid" sədrinin facebook səhifəsində yayılan videonu bu linkdən izləyə bilərsiniz.

 

Namizəd müraciətində Xətai rayonu ərazisində abadlıq, təmir-bərpa işləri aparan rayon icra hakimiyyətindən bu işləri dayandırmasını tələb edir. Səbəbini isə belə izah edir ki, mətbuat bu problemləri yazdıqdan sonra icra hakimiyyətinin həmin problemləri həll etməsi seçki prosesinə müdaxilədir. Heç şübhəsiz ki, İqbal Ağazadə mətbuat dedikdə “Yeni Müsavat” qəzetini nəzərdə tutur.

Ovqat.com xəbər verir ki, “Yeni Müsavat” Media Qrupunun təsisçisi Rauf Arifoğlu da 35 saylı Xətai Üçüncü Seçki Dairəsindən deputatlığa namizəddir. Görünür, İqbal bəy də məhz bu faktı nəzərə alaraq, “Yeni Müsavat”-ın qaldırdığı sosial problemlərin İcra Hakimiyyəti tərəfindən həllini rəqibinə verilmiş dəstək kimi qiymətləndirib və bu cür çıxış edib.

Bəs, bu əlaqələndirmə əsaslıdırmı?

 

Ovqat.com-un suallarını cavablandıran fəlsəfə elmləri doktoru Aydəm İsmayılov Rauf Arifoğlunun namizəd olması ilə “Yeni Müsavat”ın hansısa məsələni işıqlandırması arasında əlaqə qurmağa ehtiyatla yanaşır. Onun fikrincə, “Yeni Müsavat” müasir Azərbaycanın ən “qədim” mətbu orqanlarından biridir və zaman-zaman müxtəlif bölgələrdəki neqativ halları işıqlandırıb, problemlərin həllinə nail olub: “O, başqa məsələdir ki,  seçki kampaniyası prosesində Rauf bəy imzatoplama kampaniyasında şəxsən iştirak edib və təbii olaraq bu prosesə “Yeni Müsavat”ın müxbirləri də qatılıblar. Sözsüz ki, bu seçki prosesində jurnalistlər şikayətçi insanlarla görüşüb və onların problemini qələmə alıblar. Necə ki, onlar hansısa məclisə, kəndə, rayona qonaq gedəndə də vətəndaşlar jurnalistlərə dərdini, problemini danışır, kömək istəyirlər. Jurnalistlər də öz vəzifə borclarını yerinə yetirirlər. Fikrimcə, vəzifə borcunu yerinə yetirdiyinə görə nə jurnalistləri, nə də göstərilən eyibləri aradan qaldırdığına görə icra başçısını qınamaq doğru deyil. Və bunu Rauf Arifoğluya verilmiş dəstək kimi qiymətləndirmək olmaz. Ən azı ona görə ki, mən bilən, Rauf bəy artıq həmin qəzetin redaktoru deyil və namizəd olmamışdan əvvəl də bənzər problemləri qaldırıb həllinə çalışırdı”.

Aydəm İsmayılovun fikrincə, yerlərdə qarşılaşılan problemlərin işıqlandırılmasında təkcə “Yeni Müsavat” deyil, ölkədə fəaliyyət göstərən əksər qəzet və saytlar, o cümlədən də televiziyalar eyni xətti tuturlar və bu, Azərbaycan prezidenti İlham Əliyevin media siyasətinin nəticəsidir: “Bilirsiniz ki, cənab prezident məşhur çıxışlarından birində “jurnalistlər mənim dostumdur, mən informasiyanı onlardan alıram” deyəndən sonra medianın bölgələrdəki problemlərin üzərinə getməsi aktivləşdi. Prezidentin son dövrlər apardığı sosialyönümlü siyasətin təsiri nəticəsində icra hakimiyyətləri də medianın qaldırdığı problemlərə diqqətı artırdılar. Xətai rayon icra başçısının “Yeni Müsavat”da dərc olunan neqativ halların qarşısını alması da bununla bağldır”.

Əslində sevindirici haldır ki, Xətai Rayon İcra Hakimiyyətinin bu sosial problemlərə ciddi reaksiya verdiyini və imkan daxilində həll etməyə çalışdığını deyən həmsöhbətimizin fikrincə, son 1 ildə sözügedən rayonun həyatında əhəmiyyətli dəyişikliklər var: “Xətai Rayon İcra Hakimiyyətinin yeni başçısı Rafiq Quliyev bu vəzifəyə təyin edildiyi gündən rayonun sosial problemlərinin həlli istiqamətində mühüm addımlar atılıb. Əvvəlki icra başçısının dövründən yığılıb qalan problemlər o qədər çoxdur ki, Rafiq Quliyev həm vətəndaşlarla görüşündə, həm də jurnalistlərə çağırışında sosial problemləri icra hakimiyyətinin diqqətinə çatdırmaqda yardımçı olmağı bir neçə dəfə xahiş edib. İndi faktiki olaraq icra hakimiyyəti də, “Yeni Müsavat” da öz işi ilə məşğuldur: mətbuatda ərazidəki problemlər işıqlandırılır və icra hakimiyyəti isə onları həll edir”.

İqbal Ağazadənin sosial problemləri həll etdiyi üçün icra hakimiyyətini açıq şəkildə şantaj və təhdid etməsinin səbəbsiz olmadığını düşünən Aydəm İsmayılov bunu seçki prosesinin ilk raundunda onun öz zəifliyini hiss etməsiylə əlaqələndirir: “Görünür, seçki prosesinin ilk raundunda başa düşüb ki, rəqibi – Rauf Arifoğlu onu bütün parametrlər üzrə üstələyib. Artıq indidən məğlubiyyətini, rəqibindən çox geridə qaldığını, uduzduğunu başa düşən İqbal Ağazadənin qəzəbinin səbəbini də, şübhəsiz ki, burada axtarmaq lazımdır”.   

Bu hərəkəti ilə İqbal Ağazadənin faktiki olaraq həm də Xətai rayon sakinlərinə, xüsusi ilə 35 saylı Xətai üçüncü Seçki Dairəsində yaşayan seçicilərə böyük pislik etdiyini vurğulayan ekspert deyib: “Namizəd İcra hakimiyyətini şantaj edir ki, niyə vətəndaşların media vasitəsi ilə müraciətinə reaksiya verərək,  yolları, binaların damını, zirzəmisini təmir edir, abadlaşdırır, küçələri işıqlandırır. Görünür, İqbal Ağazadəni vətəndaş və seçicinin problemi deyil, yalnız özünün  maraqları düşündürür. Əgər belə olmasaydı, o, vaxtı ilə bu dairədən deputat olanda da Xətai Rayon İcra Hakimiyyətini tənqid edərdi. Hansı ki, həmin müddət ərzində o, rayon ərazisində baş verən özbaşınalıqlara susub və bir kəlmə də olsun danışmayıb. İndi isə yeni, mütərəqqi icra başçısını şantaja cəhd göstərir”.

İqbal Ağazadənin elə həmin dairədən deputat seçildiyi vaxtlarda niyə bu cür fəallıq göstərmədiyini deyən ekspert bunları xatırlatdı:

Yeri gəlmişkən, həmin vaxtlarda Rafiq Quliyev Xətai rayonunda icra hakimiyyəti başçısının birinci müavini işləyib. Əgər İqbal Ağazadə belə “danışan” idisə, hansısa “faktlara” malik idisə, o zamanlar niyə Rafiq Quliyev haqda danışmırdı? Deməli, indi məqsədi yalnız şantajdır”.




Ana səhifəyə qayıt        Baxış: 3 446          Tarix: 12-01-2020, 13:28      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent