31 Dekabr 1989-cu ildə saat 12-də Naxçıvanda İranla sərhəddəki tikanlı məftillər söküldü. O gündən bu günə həmin tarixi hadisəni Sərhəd hərəkatı kimi qeyd edirik. Amma Sərhəd hərəkatının son akkordu idi bu hadisə. 

Hərəkat daha əvvəl, səhv etmirəmsə, 12 Dekabrda başlamışdı. 21 Azər günü (Daha əvvəl keçirilən bəzi nəbz yoxlama aksiyalarını nəzərə almasaq). Pişəvəri inqilabının 1946-cı ildə süquta uğradığı gündə. Naxçıvan Xalq Cəbhəsi bununla Pişəvəri hərəkatının qaldığı yerdən davam edəcəyi mesajını vermək istəyirdi.

Dekabrın 12-dən 31-nə qədər keçirilən nümayişlərdən sonra ilin son günündə sərhədlər sökülməyə başladı.