İranla yaşadığı gərginlik səbəbindən İngiltərə bölgəyə atom sualtı gəmisi və dəniz desantları göndərə bilər.

Ovqat.com xəbər verir ki, iddianı İngiltərənin “Daily Express” qəzeti sürüb.

Qəzetə açıqlama verən hərbçilər bu səfərin müdafiə məqsədli olacağını bildiriblər.

“The Sun” qəzeti də məlumatı təsdiqləyib. Qəzetə açıqlama verən hərbi ekspert Fars körfəzinə göndəriləcəyi gözlənən donanmada 4 döyüş, bir desant gəmisinin olacağını bildirib.

 Xəbərdə donanmanın Bəhreyndəki “MS Montrose” gəmisinə dəstək üçün bölgəyə göndəriləcəyi qeyd olunub.

 Qeyd edək ki, İran İngiltərəyə məxsus “Sten İmpero” neft tankerini ələ keçirmiş, bundan sonra iki ölkə arasında gərginlik artmışdır.