Avropa Birliyi (AB) "ciddi insan haqları pozuntuları" səbəbiylə İrana tətbiq etdiyi sanksiyaların müddətini 1 il uzatmağa qərar verib.
Ovqat.com xəbər verir ki, bunu AB Şurası yazılı açıqlamasında bildirib.
13 Aprel 2018-ci il tarixinə qədər uzadılan sanksiyada 1 hüquqi, 82 fiziki şəxsin mülkiyyət hüquqlarının dondurulması, onların Avropaya gəlişinə viza qadağasının qoyulması, ayrıca, təzyiq vasitəsi olaraq istifadə edilə bilən avadanlıq və dinləmə texnologiyalarının İrana ixracatının dayandırılması nəzərdə tutulur.
Bu sanksiyalar ilk dəfə 2011-ci ildə İranda nümayişçilərin, jurnalist və insan haqları müdafiəçilərinin təzyiq altında tutulmasına görə başladılmışdı.
AB-nin nüvə proqramı səbəbindən İrana qarşı tətbiq etdiyi iqtisadi və maliyyə sanksiyaları isə ləğv olunub.