Xəbər lenti

 
Pakistanda Milli Məclisin sədri Əsəd Kaiser koronavirusa yoluxub.
 
Ovqat.com-un məlumatına görə, bu barədə spikerin özü Tvitter paylaşımda xəbər verib. 
 
“Covid-19 testim pozitiv çıxdı. Özümü təcrid etmişəm. Millətimizi diqqətli olmağa çağırıram”, - deyə Kaiser qeyd edib.
 
Pakistan mediasının yazdığına görə, Kaiserin qızının da koronavirus testi pozitiv çıxıb.
 
Qeyd edək ki, ÜST-ün statistikasına inansaq, Pakistanda bu günə qədər cəmi 18 min 770 nəfər koronavirusa yoluxub. Onların da 678 nəfəri bu günün payına düşüb. Nəzərə alsaq ki, Pakistanın 212 milyondan çox əhalisi var, ölkənin koronavirus statistikası xeyli nikbin olmağa əsas verir. 
 
Bununla belə, əhalinin cüzi hissəsində yayılan xəstəliyin hakim zümrənin iki üzvündə görünməsi bəd versiyaların da ortaya çıxmasına səbəb ola bilər. Belə çıxır ki, koronavirus Pakistanda əsasən hakim zümrələr arasında yayılıb.


Ana səhifəyə qayıt        Baxış: 1 960          Tarix: 2-05-2020, 22:23      


Paylaş: