Türkiyənin məşhur Topqapı Sarayı muzeyi Milli Saraylar İdarəsinin nəzarətinə verilib.

Axar.az xəbər verir ki, bu barədə Türkiyə Prezidenti Rəcəb Tayyib Ərdoğan sərəncam imzalayıb.

Sərəncama görə, saray kompleksinin idarəsi, restavrasiyası və bir sıra xidmətlər Milli Saraylar İdarəsi tərəfindən həyata keçiriləcək.

Qeyd edək ki, Topqapı Sarayı azərbaycanlıların Türkiyədə ən çox ziyarət etdiyi tarixi yerlər sırasındadır. Burada Səfəvilər İmperiyasına aid əşyalar da var, lakin son illər restavrasiya işləri ucbatından sözügedən əşyaların sərgilənməsi dayandırılıb.