Xəbər lenti

 

Azərbaycanda çayxana, kafe və restoranlarda gün keçdikcə daha da "populyarlaşan" sulu qəlyanın insan orqanizminə mənfi təsiri ilə bağlı fikir səsləndirənlərin sayı çoxalıb. Xüsusilə gənclərin, hətta zərif cinsin nümayəndələrinin də kifayət qədər istifadə etdiyi bu vasitədən insan orqanizminə müxtəlif youlxucu xəstəliklərin keçdiyi bildirilir.

Ovqat.com bildirir ki, ARB TV-nin "Günə doğru" verilişində sulu qəlyana qadağa qoyulması haqda maraqlı süjet yayımlanıb.

Sulu qəlyan həmçinin insanda siqaretə, eləcə də narkotik vasitələrə asılılıq yaratdığı da iddia olunur. Bəs qəlyandan yoluxucu xəstəliklərin keçməsi halları necə baş verir? Sulu qəlyan düzəltməklə məşğul olan Ramin Niftəliyev bildirir ki, bu birbaşa səhlənkarlıqdan irəli gəlir: "Xəstəlik ən çox mədəyə düşür. "Turba"nın rolu böyükdür burada. Tütün qırıntısı "turba"nın içinə düşüb qala bilər və mədəyə gedər. Bu da fəsadlara yol açar. Tez-tez "turba"lar dəyişməlidir. 

Bəzi məkanlarda müştərilərə birdəfəlik müştük verilsə də digər gigyenik məqamlara diqqət yetirilmir və müxtəlif xətəliklərə yoluxma riski artır. 

Sulu qəlyandan xəstəliklərə yoluxma halları ən çox borular vasitəsi ilə rellaşır. Bəzi sahibkarlar qəlyanın suyun və müştükləri yeniləsə də daha çox gəlir əldə etmək üçün boruları yeniləmir. Nəzərinizə çatdırım ki, birdəfəlik borunun qiyməti 1man 50 qəp-dir.

Mütəxəssislər bildirir ki, qəlyan müştərilərə sadalanan şərtlərə əməl edilməklə təqdim edilsə, infeksiyaya yoluxma hallarının qarşısını almaq olar.

Əlniyaz Ramazanov (həkim): "Müştük hər adam üçün ayrı olmalıdır. Bəziləri əlavə xərc etməmək üçün səhlənkarlıq edərək müştüyü spirtlə təmizləyir. Və başqa bir müştəriyə verirlər. Belə olmaz, ziyandır".

İstifadəçilər qəlyanın insan səhhətinə zərəri ilə bağlı müxtəlif fikirdədir. 3 ildir sulu qəlyandan istifadə edən Aqli Həsənov bildirir ki, o bu günə qədər xoşagəlməz hallarla qarşılaşmayıb. Çünki xidmət zamanı bəzi məqamlara diqqətlə yanaşır.

Mütəxəssislər bildirir ki, sulu qəlyanın insana səhhətinə birmənalıı olaraq mənfi təsir edir. Bu vasitənin "Ağ ciyərlərin təmizlənməsinə koməyi var" kimi fikirlər yanlışdır. Sadalanan məqamlara diqqət etməklə yalnız yoluxucu xəstəliklərin qarşısını almamq mümkündür. Sudan keçərək insan bədəninə daxil olan buxar qarışıq tustünün yuxarı tənəffüs orqanlarına mənfi təsiri qaçılmazdır.

Əlniyaz Ramazanov (həkim): "Tüstü suyun içərisindən keçərək orqanizmə daxil olur. Tütündən əmələ gəlmiş qətranlar suda həll olmur. İri hissəciklər suda qalır. Adi qəlyanla sulu qəlyan ziyanlıdır. Fərqləri yoxdur".

Sadalanan səbəblərdən Milli Məclisdə "Tütünlə mübarizəyə dair Azərbaycan qanunvericiliyinin gücləndirilməsi" mövzusunda keçirilən dəyirmi masada layihənin birinci oxunuşunda tütünün qadağan olunduğu yerlərdə sulu qəlyanın da qadağan olunması barədə səslənən təkliflər nəzərə alınıb və bununla bağlı qanun layihəsinin 1-ci maddəsində dəyişiklik edilib.

Ovqat.com

Videonu izləmək üçün şəklə klikləyin:

https://daytube.az/az/videos/47791/




Ana səhifəyə qayıt        Baxış: 1 165          Tarix: 8-05-2017, 19:11      

Xəbəri paylaş


Paylaş:   

Prizma