Qurumun rəsmi saytında bununla bağlı kalkulyator yerləşdirilib

Vətəndaşların icbari tibbi sığorta haqqlarını hesablaması üçün kalkulyator sistemi hazırlanıb. Bu barədə İcbari Tibbi Sığorta üzrə Dövlət Agentliyinin icbari tibbi sığorta haqlarının hesablanması qaydası ilə bağlı məlumatında qeyd olunub.

Qurumun rəsmi saytında bununla bağlı kalkulyator yerləşdirilib. Vətəndaşlar həmin kalkulyatordan istifadə etməklə əməkhaqqından və ya gəlirdən tutulan icbari tibbi sığorta haqlarının məbləğini hesablaya biləcəklər.

Kalkulyator vasitəsilə işçilər, işəgötürənlər, sahibkarlıq fəaliyyəti ilə məşğul olan fiziki şəxslər və mülki-hüquqi müqavilələr əsasında işlər (xidmətlər) yerinə yetirən şəxslər icbari tibbi sığorta fonduna ediləcək aylıq ödənişin məbləğini müəyyən edə bilərlər. \\AYNA