Ukraynanın Odessa şəhərində əfqanlar və azərbaycanlılar arasında atışma baş verib.

Publika.az xəbər verir ki, ki, bu haqda “odesa.depo.ua” saytı şahidlərə istinadən məlumat yayıb.

Onların sözlərinə görə, hadisə iyulun 2-də gecə saatlarında Tairov qəsəbəsində baş verib.

“Tairovda, “Makdonalds”ın yanında atışma oldu. Atışmada iştirak edənlər əfqan və azərbaycanlılar idi”, - şahidlərdən biri yazıb.

Eyni zamanda, patrul polisinin mətbuat xidməti də bölməyə atışma barədə çağırışın daxil olduğunu açıqlayıb.

“Patrul ekipajı hadisə yerinə getdi. Ərazi yoxlanılıb, amma informasiya təsdiqlənməyib”, - polisdən bildiriblər.