Rusiya XİN-in sözçüsü Mariya Zaxarova bildirib ki, Ermənistan hələ də Kollektiv Təhlükəsizlik Müqaviləsi Təşkilatının (KTMT) tamhüquqlu üzvüdür və bu status bütün hüquq və öhdəlikləri ilə qüvvədə qalır.

Musavat.com xəbər verir ki, Zaxarovanın sözlərinə görə:

KTMT çərçivəsində Ermənistanla əməkdaşlığın yenidən tam, normal və aktiv şəkildə bərpa olunmasına heç bir maneə yoxdur;

Ermənistanın təsvir etdiyi “üzvlüyün dondurulması” kimi anlayış KTMT-nin hüquqi bazasında ümumiyyətlə mövcud deyil;

Rusiya hesab edir ki, tərəfdaşların təşkilat daxilində işə qayıtması üçün hüquqi və siyasi şərait tam mümkündür.

Bu açıqlama Moskvanın İrəvanın son aylardakı uzaqlaşma cəhdlərini formal olaraq tanımadığını və Ermənistanı hələ də öz təhlükəsizlik arxitekturasının bir parçası hesab etdiyini göstərir.