Xəbər lenti
 

Nə yurddan xəbər var, nə də ki eldən,
Yurdu da, eli də gedibdi əldən,
Bəxtəvər adamtək lap cani-dildən,
Bu adamı dərdinə oynadırlar.

Qapazlayıb çörəyini alıblar,
Arzusunu, diləyini alıblar.
Var-yoxunu, hər şeyini alıblar,
Bu adamı dərdinə oynadırlar.

Gülüşünü çoxdan unutdurublar,
Dərman əvəzinə qan uddurublar.
Bacı-qardaşını həm tutdurublar,
Həm adamı dərdinə oynadırlar.
Bu adamı dərdinə oynadırlar...


Namiq Hacıheydərli


Ana səhifəyə qayıt        Baxış: 1 257          Tarix: 2-04-2017, 13:42      

Xəbəri paylaş


Paylaş:   

Prizma