"Firmada özünü məsul şəxs kimi təqdim edən Fuad Məmmədovla danışdım və onlar malı qısa müddətə Bakıya gətirə biləcəklərini söylədi. Bu firma beynəlxalq yük daşıma ilə məşğul olur və onların Çinin Quanzhou şəhərində nümayəndəlikləri var. Mən o malı ora çatdıra bilsəm, onlar böyük mənmuniyyətlə malı Bakıya gətirməyə hazır olduqlarını bildirdi. Belə olan halda, Çindəki malı mənə satan firmanın nümayəndəsi ilə danışdım və o, malı Hango şəhərindən Quanzhou şəhərinə göndərməyə razılıq verdi. Bakıdakı "El Carco Azerbaijan” firmasının meneceri F.Məmmədov bu 10 kq yükün 90 ABŞ dollarına başa gələcəyini bildirdi. Həmin mal təcili lazım olduğu üçün mən təyyarə ilə gətirtməyə qərar verdim F.Məmmədov bildirdi ki, yaxın vaxlarda malı sizə çatdıracayıq 10 gün də keçdi, lakin yükdən xəbər çıxmadı.

Məlum oldu ki, bu firma Çindəki anbarında 2 sm-lik qalınlığı 1metr eni, 1 metr uzunluğu olan "dik” materialını mənə məxsus olan 10 kq malın üstünə bağlamaqla onun çəkisini 33 kq-a çatdırıb. Sual edirəm: Axı çinli bu malın sizin firmanın Çindəki anbarına göndərmək üçün cəmi 10 kq malın pulunu ödəyib, necə olurki mal sizin anbara gələnə qədər 10kq olur sizin anbardan Bakıya 33 kq-lıq yük kimi gəlir? Bunu necə başa düşmək olar? Kimsə buna aydınlıq gətirə bilərmi ? Mən F. Məmmədova nə qədər etirazımı bildirsəm də, xeyri olmadı. Şikayət edəcəyimi deyəndə isə, "Hara istəyirsən, get şikayət elə. Polis idarəsi də burada yaxınlıqda var, gedib şikayət edə bilərsən”. İndi mən başa düşə bilmirəm, bu firma üçün heç bir qayda-qanun yoxdur? Bunun adı açıq-aşkar vətəndaşın cibinə girmək və soyğunçuluqdur. Yəqin ki Respublikanın Baş Prokurorluğu və Daxili İşlər Nazirliyi bu məsələ ilə ciddi maraqlanacaq. O da yəqin olacaq ki, bu firmanın arxasında kim dayanır, vətəndaşları günün-günorta vaxtı cibinə girərək, onları biznes fəaliyyətindən uzaqlaşdırmaq istəyən kimlərdir.

Hörmətli Prezidnetimiz cənab İlham Əliyev öz çıxışında dəfələrlə qeyd edib ki, sahibkarlığın fəaliyyətinə heç kəs mane ola bilməz. Əksinə onların fəaliyyətinə geniş şərait yaradılmalıdır. Ancaq "El Carco Azerbaijan” firması və onun rəhbərliyi görünür, prezidentin bu çıxışlarını və tövsiyyələrini eşitmək istəmirlər. Maraqlıdır ki, 10 kq mal neçə şişib 33 kq olub? Bunun yalnız bir adı var:

Özbaşınalıq!."