Çin hökumətinin koronavirusla bağlı tətbiq etdiyi önləyici tədbirlərin 20 gün ərzində nəticəsi bəlli olacaq və virusun yayılma tempinin yavaşlayacağı gözlənilir.

Axar.az xəbər verir ki, bu sözləri Çin Mühəndislik Elmləri Akademiyasının akademiki, virusoloq Ven Yumey deyib.

“20 gün öncə xəstəliyə yoluxmuş insanların səbəbindən virusun yayılmasında kəskin artım müşahidə olundu. Profilaktik tədbirlər nəticəsində virusun 20 gün ərzində yayılma tempinin azalmasını görəcəyik”, - Yumey bildirib.

Virusoloq əlavə edib ki, insan orqanizmi tədricən mikroorqanizmlərə qarşı immunitet əldə edir ki, nəticədə viruslar ölür.

Qeyd edək ki, Çində koronavirusa yoluxanların sayı artıq 2000 nəfəri ötüb. Çin hökuməti 56 nəfərin öldüyünü bildirib.