Azərbaycan və Ermənistan prezidentləri bu gün Cenevrədə Dağlıq Qarabağ münaqişəsini müzakirə edib.

Publika.az xəbər verir ki, əvvəlcə prezidentlər hər iki ölkənin XİN rəhbərləri və ATƏT-in Minsk qrupunun həmsədrlərinin iştirakı ilə görüşüb.

Daha sonra prezidentlərin təkbətək görüşü başlanıb. Ermənistan mediasında prezidentlərin təkbətək görüşünü əks etdirən qısa videogörüntülər yayılıb. Videoda diqqət çəkən məqam Ermənistan prezidentinin təkbətək görüşün keçirildiyi masaya daha öncə əyləşməsi və Azərbaycan liderini gözləməsidir.

Azərbaycan prezidenti gəldikdən sonra təkbətək müzakirə başlanıb.