İranın milli təhlükəsizlik naziri Seyid Mahmud Ələvi Astara sərhəd-keçid məntəqəsinə baxış keçirib.

ONA-nın Tehran bürosunun məlumatına görə, İran hökumətinin Gilan əyalətinə səfəri çərçivəsində nazir həmçinin Astara- Astara dəmiryolu terminalına da baş çəkib. Jurnalistlərə açıqlama verən M.Ələvi  qeyd edib ki,  Astara sərhədi ölkənin ən təhlükəsiz və sabit sərhədlərindən biridir:  “Azərbaycan və İranın sərhəd bölgəsində yaşayan əhali bu sabitlikdən faydalanır.  Biz Qəzvin-Rəşt dəmiryolu xəttinin istismara verilməsinin şahidi olduq. Yaxın gələcəkdə bu dəmiryolu xətti Astara şəhərinə və Azərbaycan Respublikasına birləşəcək”.