Ermənistanın müdafiə naziri vəzifəsini icra edən Arşak Karapetyan Moskvaya gedib.

APA-nın xəbərinə görə, bu barədə "168.am" qəzeti məlumat yayıb.

Bildirilib ki, müdafiə naziri vəzifəsini icra edən A. Karapetyan bu gün səhər Moskvaya uçub. O, səfər çərçivəsində Rusiyanın müdafiə naziri Sergey Şoyqu ilə görüşəcək.

Xatırladaq ki, iyulun 26-da Karapetyan və Şoyqu arasında telefon danışığı olub. Onlar regionda təhlükəsizliyin təminatı və digər qarşılıqlı maraq doğuran məsələləri müzakirə ediblər.