***

“Sabahın xeyir Gürcüstan. Səkkiz ildən sonra artıq Gürcüstandayam”. “Report”un yerli bürosu xəbər verir ki, bunu Gürcüstanın keçmiş prezidenti Mixeil Saakaşvili feysbuk səhifəsində yazıb.

Qeyd edək ki, sabiq dövlət başçısının oktyabrın 2-də Gürcüstana gedəcəyi gözlənilirdi. O, həmin tarixə Tbilisiyə bilet almışdı.

Biraz əvvəl yayımladığı videoda Batumidə olduğunu bildirib.

Eks-prezident Mixeil Saakaşvili feysbuk səhifəsində Gürcüstanda olduğunu təsdiq edən video paylaşıb.

Videoda Batumi şəhəri əks olunub.

“Bu, mənim Batumimdir... Həyatımla risk edib buraya gəldim”, - o yazıb.

M.Saakaşvili hamını sabah keçiriləcək yerli seçkilərdə iştiraka, oktyabrın 3-də isə mitinqə çağırıb.