"AzPolitika.info" xəbər verir ki, hərbi-nəqliyyat helikopterinin hazırda Rusiyanın Kazan və Ulan-Ude şəhərlərində yerləşən iki zavodda istehsalı davam etdirilir. Əsasən hərbi-nəqliyyat helikopteri kimi istifadə olunsa da, silahla da təchiz oluna bilər. Əsas istismarçısı olan Rusiya Hərbi Hava Qüvvələrindən başqa dünyanın təqribən 60 fərqli ölkəsində aktiv istifadə olunur.

Son illərdə Mi-17 vertolyotu ilə bağlı baş vermiş qəzalar:

12 yanvar 2008-ci ildə Makedoniya HHQ-nə məxsus Mi-17 qəzaya uğrayıb, nəticədə 3 nəfər ekipaj və 8 nəfər sərnişin həlak olub.

31 may 2008-ci ildə Çin ordusuna məxsus, içində 14 nəfər olan Mi-17 qəzaya uğrayıb.

19 noyabr 2010-cu ildə Hindistana məxsus Mi-17 qəzaya uğrayıb, nəticədə 12 nəfər heyət üzvündən heç kim sağ qalmayıb.

11 fevral 2013-cü ildə Azərbaycan HHQ-nə məxsus 1 ədəd Mi-17 qəzaya uğrayaraq Xəzər dənizinə düşüb, 3 nəfər heyət üzvü həlak olub.

27 noyabr 2016-cı ildə İrana məxsus Mi-17 Xəzər dənizi üzərində qəzaya uğrayıb, 5 nəfər ölüb.

27 mart 2016-cı ildə Əlcəzairə məxsus Mi-17 ölkənin cənubunda qəzaya uğrayıb, 12 nəfər həlak olub və 2 nəfər yaralanıb.

Helikopterin ümumi parametrləri belədir:

Ekipaj: 3 nəfər ( 2 pilot və 1 mühəndis)

Tutumu: 24 nəfər və ya 12 xərək, 4,000 kq yük

Uzunluğu: 18.465 m

Rotor diametri: 21.25 m

Hündürlüyü: 4.76 m

Boş çəki: 7,489 kq

Yüklü çəki: 11,100 kq

Maksimal qalxma çəkisi: 13,000 kq

Güc təminatçısı: 2 ədəd Klimov VK-2500PS-03 mühərriki.

Uçuş keyfiyyətləri:

Maksimum sürət: 280 km/s

Maksimal uçuş məsafəsi: 800 km

Uçuş tavanı: 6,000 m

Yüksəkliyə qalxma sürəti: 8 m/s

1,500 kq-dan çox silah, raket və ya aviabomba daşıya bilər. 

Bəzi mənbələrdə helikopterin qiymətinin 7 milyon dollar olduğu bildirilir.