“Hesablama Palatası həddən artıq çox tövsiyə verir. Eşidən yoxdur bu tövsiyələri. Bu iradlar müxtəlif qurumlara yönəldiləndə də onlar nəyi, necə etməyi yaxşı bilirlər”.
Deputat Fazil Mustafa bu fikirləri Hesablama Palatasının müzakirəsi zamanı söylədi. Həmçinin qeyd etdi ki, qanunsuzluqlarla bağlı prokurorluğa 5-6 müraciət yetərli deyil: “Hesabat ilində bu müraciətlər daha çox olmalı idi”.
F.Mustafa daha sonra mədəni sahədəki problemlərə də diqqət çəkdi. Bildirdi ki, mədəniyyət ocaqlarının olmadığı haldA, mədəni həyatı canlandırmaq mümkün deyil. “Bu ölkəyə alim lazımdır, tərcüməçi lazımdır”-deyən F.Mustafa büdcədən ayrılan vəsaitlərin səmərəli xərclənməsini vacib saydı. “Təbii ki, hesabata səs verəcəyəm. Amma istəyirəm ki, Hesablama Palatası daha qətiyyətli olsun”-deyə, deputat hesabata münasibətini yekunlaşdırdı.
moderator.az