Xəbər lenti


Azərbaycan Respublikasının Prezidenti İlham Əliyev 7 iyul 2021-ci il tarixində imzaladığı "Azərbaycan Respublikasında iqtisadi rayonların yeni bölgüsü haqqında" Fərmanla Qarabağ və Şərqi Zəngəzur iqtisadi rayonlarını yaratdı.

Axar.az xəbər verir ki, 7 iyul tarixi həm də Dağlıq Qarabağ Muxtar Vilayətinin (DQMV) yarandığı gündür. DQMV məhz 1923-cü il iyulun 7-sində Azərbaycan SSR Mərkəzi İcraiyyə Komitəsinin dekreti ilə yaradılıb.

Dağlıq Qarabağ Muxtar Vilayəti 1991-ci il noyabrın 26-da Azərbaycan Respublikası Ali Sovetinin qərarı ilə inzibati ərazi vahidi kimi de-yure ləğv edilib.

Ermənistanın tam kapitulyasiyası ilə nəticələnən Vətən müharibəsi (2020, 10 noyabr) isə Dağlıq Qarabağ Muxtar Vilayətinin de-fakto tarixin arxivinə gömülməsini təmin edib.

Beləliklə, Prezident İlham Əliyev bir daha təsdiqlədi ki, bütün addımlarını incəliyinə qədər ölçüb-biçir, tarixləri, günləri və anları dəqiqliyi ilə seçir.

İlham Əliyev məhz DQMV-nin sovet-bolşevik təsiri ilə yaradıldığı tarixdə Dağlıq Qarabağı arxivə gömən Tarixi Fərman imzaladı və Qarabağı iqtisadi bölgəyə çevirdi. Eyni zamanda, “Şərqi Zəngəzur” terminini Azərbaycanın hüquqi leksikonuna daxil etdi.



Ana səhifəyə qayıt        Baxış: 3 103          Tarix: 8-07-2021, 13:41      

Xəbəri paylaş


Paylaş:   

Prizma