Xəbər lenti

Rusiya həmişə kürd xalqı ilə münasibət saxlayıb və onları korlamağa heç bir əsas yoxdur. Bunu jurnalistlərə Rusiya prezidenti Vladimir Putin deyib.

“Biz həmişə kürd xalqı ilə münasibət saxlamışıq, mən bu münasibətlərə son qoymağa əsas görmürəm. Amma əvvəlcə biz ümumi məsələni həll etməliyik. Bu terrorla mübarizədir. Bizim mövqeyimiz bu məsələdə açıqdır, biz bilirik ki, kürd döyüşçülərinin terrorla mübarizədə töhfəsi böyükdür. Onlar yüksək döyüş qabiliyyətli və çox səmərəli fəaliyyət göstərən qüvvələrdir”, - deyə Putin qeyd edib.

“Daha geniş əməkdaşlığa gəlincə, biz İraqla çox fəal əməkdaşlıq edirik və bu münasibətlər daha da inkişaf etdiriləcək”, - deyə Putin əlavə edib.

Putinin sözlərinə görə, kürd problemi kəskin olaraq qalmaqdadır. "Rusiya bu məsələdə öz mövqeyini beynəlxalq hüquq çərçivəsində müəyyənləşdirəcək”, - deyə Rusiya prezidenti qeyd edib.(APA)

 




Ana səhifəyə qayıt        Baxış: 586          Tarix: 16-06-2017, 12:27      


Paylaş: