Çin ABŞ-ın Honkonq, Tibet və Uyğur (Sintezyan, Sincan) Muxtar bölgələri ilə bağlı müdaxiləsini qəbul etməyəcək.

“Report” “Reuters”ə istinadən xəbər verir ki, Çin Kommunist Partiyası Mərkəzi Komitəsi Siyasi Bürosunun üzvü, beynəlxalq məsələlər üzrə məsul şəxs Yan Szeçi ABŞ-ın dövlət katibi Entoni Blinkenlə telefon danışığında bildirib.

“ABŞ “vahid Çin” prinsipini ciddi şəkildə qorumalı və ABŞ-Çin üç birgə kommunikeyə əməl etməlidir”, - Yan Szeçi deyib.

O vurğulayıb ki, rəsmi Pekin xarici müdaxiləyə yol verməyəcək, dövlət suverenliyi, təhlükəsizliyi və maraqlarının inkişafını davam etdirəcək.

Bir müddət əvvəl Entoni Blinken bildirib ki, Vaşinqton Çini Hind-Sakit okean bölgəsində, o cümlədən Tayvan boğazında sabitliyi təhdid etdiyi üçün məsuliyyətə cəlb edəcək.