Bu gün Gürcüstan hökuməti tam tərkibdə istefa verib.

Virtualaz.org bildirir ki, buna səbəb Baş nazir Giorgi Qaxariyanın istefası ilə onun səlahiyyətlərinin dayandırılmasıdır.

Hökumət üzvləri yeni Baş nazirin təyinatına qədər vəzifələrini icra edəcəklər.

Ölkə parlamenti iki həftə ərzində yeni hökumət və onun təqdim etdiyi Nazirlər Kabinetinə etimad göstərməlidir. Hökumətə etimad üçün parlament çoxluğunun dəstəyi tələb olunur.
 

**10:51
Gürcüstanın Baş naziri Giorgi Qaxariya istefa verib.

Virtualaz.org yerli KİV-ə istinadən bildirir ki, bunu o, jurnalistlərə açıqlamasında deyib.

“Vəzifəmi tərk etmək barədə qərar qəbul etmişəm. Əlbəttə ki, inanıram və inanmaq istəyirəm ki, bu addım ölkəmizin siyasi məkanında qütbləşmənin azalmasına kömək edəcək...”, - deyə hökumət başçısı bildirib.

Qeyd edək ki, 45 yaşlı G.Qaxariya 2019-cu ilin sentyabrından Gürcüstanın Baş naziri idi.