ABŞ Rusiya və Ukraynanın danışıqlardakı mövqelərinin təfərrüatı barədə məlumat əldə edib və onların üzərində işləyir.

Oxu.Az xəbər verir ki, bu barədə ABŞ-nin vitse-prezidenti Ceyms Devid Vens "Fox News"a müsahibəsində bildirib.

"Biz nəhayət təfərrüatla bağlı məlumat əldə etdik. Onların üzərində işləyirik, lakin hələ sonadək hər şeyi düşünməmişik", - deyə o vurğulayıb.

Vensin sözlərinə görə, Ukrayna təhlükəsizlik zəmanəti tələb edir, Rusiya isə müəyyən əraziləri istəyir ki, onların əksəriyyəti ordusunun nəzarəti altındadır.