Avropa və xüsusilə Almaniya 1990-cı illərdə Rusiyanın NATO-ya daxil olmasına qəti şəkildə qarşı çıxıblar.

Oxu.Az xəbər verir ki, bu barədə "Der Spiegel" məlumat yayıb.

Nəşrin yazdığına görə, 1994-cü ildə ABŞ Prezidenti Bill Klinton Rusiyanı NATO-ya qəbul etməyi ciddi şəkildə düşünüb və o zaman Rusiyanın Prezidenti olmuş Boris Yeltsinlə məsələni müzakirə edib. Lakin ABŞ avropalı müttəfiqlər, xüsusilə də Almaniyanın ciddi müqaviməti ilə üzləşib.

1994-cü ildə NATO ölkələri keçmiş Varşava Müqaviləsi dövlətlərini alyansa qəbul etmək barədə fundamental qərar qəbul ediblər. Amma bu qərar Rusiyaya şamil edilməyib.