Gürcüstanın keçmiş prezidenti və Ukraynanın Odessa vilayətinin sabiq qubernatoru Mixail Saakaşvili Ukraynaya qayıdacağı tarixi növbəti dəfə açıqlayıb.

Publika.az “Obozrevatel” nəşrinə istinadən xəbər verir ki, Saakaşvili sentyabrın 10-u saat 12-də Ukrayna-Polşa sərhədində yerləşən “Krakov” sərhəd-keçid məntəqəsində olacağını bildirib.

Saakaşvili həmçinin əlavə edib ki, hakimiyyət onun gəlişinə hazırlaşır.

“Ağlını itirmişlər hərbi kəşfiyyatın bir hissəsini şərq cəbhəsindən geri çəkərək qərb sərhədinə göndərib. Milli Qvardiya və “Azov” alayının bir hissəsi də Polşa sərhədinə yerləşdirilib”, - Saakaşvili deyib.

Gürcüstanın keçmiş prezidenti əmindir ki, Ukrayna hakimiyyəti şərqdəki düşmənindən (Rusiya nəzərdə tutulur- red.) daha çox ondan qorxur. Bütün çətinliklərə baxmayaraq, Saakaşvili Ukraynaya qayıtmaq niyyətindədir.