İŞİD terror təşkilatı Suriya-İraq sərhədində yerləşən Deyr-ez-Zor vilayətində ABŞ-ın dəstəklədiyi PYD-yə heç bir müqavimət göstərmədən iki gündə təxminən 45 kilometr geri çəkilib.

Publika.az Türkiyə KİV-inə istinadən xəbər verir ki, PYD “Cəzirə Fırtınası” əməliyyatı ilə Deyr-ez-Zor şəhərinin 6 kilometrliyinə qədər yaxınlaşıb.

Yerli mənbələrin məlumatına görə, İŞİD sürətlə vilayətin cənubi-qərbinə çəkilir. Bu, İŞİD və PYD arasında razılaşma ehtimalını artırır.

PYD-nin Deyr-ez-Zora yaxınlaşması ilə Suriya ordusu və PYD arasındakı məsafə 6 kilometrə qədər azalıb. ABŞ Suriya güclərinin şəhəri ələ keçirməsini istəmir. Ekspertlərin fikrincə, bu vəziyyət PYD-nin Suriya ordusu ilə qarşıdurmanın qaçılmaz edir.