Xəbər lenti

 

Tbilisidə görkəmli Azərbaycan dramaturqu, yazıçı, jurnalist, ictimai xadim Cəlil Məmmədquluzadənin 150 illik yubileyi münasibəti ilə konfrans  keçirilib. 

APA-nın yeri bürosu xəbər verir ki, Azərbaycanın Gürcüstandakı səfirliyinin və Azərbaycan Diasporla İş üzrə dövlət Komitəsinin birgə təşkilatçılığı ilə keçirilən konfrans iştirakçıları əvvəlcə Heydər Əliyevin Tbilisidə yerləşən büstünü ziyarət ediblər. Daha sonra C. Məmmədquluzadənin Tbilisidəki ev muzeyini ziyarət edilib. Azərbaycanın Gürcüstandakı fövqəladə və səlahiyyətli səfiri Dursun Həsənov muzeyin şəraiti ilə tanış olub. 

Sonra Gürcüstanın Milli Parlament Kitabxanasında C. Məmmədquluzadənin həyat və yaradıcılığına həsr edilmiş konfrans keçirilib. 

Qeyd edək ki, yubiley tədbirləri çərçivəsində bu gün A.S.Qriboyedov adına Tbilisi Dövlət Akademik Rus Dram Teatrında Cəlil Məmmədquluzadənin “Dəli yığıncağı” pyesi əsasında hazırlanmış tamaşa nümayiş olunacaq.




Ana səhifəyə qayıt        Baxış: 648          Tarix: 24-10-2019, 12:51      

Xəbəri paylaş


Paylaş:   

Prizma