ABŞ-ın Miçiqan universitetinin alimləri boşanma hallarının səbəblərini araşdırıb.

Ovqat.com-un məlumatına görə, araşdırma nəticəsində məlum olub ki, ailələrin dağılmasının əsas səbəbi kişilərin davranış tərzini dəyişməməsidir. İddia edilib ki, onlar ailələrini qorumaq üçün səy göstərmir. Bildirilir ki, xanımlar ailədə baş verən gərginlik üzündən kişilərə nisbətən daha çətin günlər keçirir.

Bu üzdən statistikaya görə, boşanmaq üçün müraciət edən qadınların sayı kişilərdən iki dəfə çoxdur.

Araşdırmlarda 16 ildir evli olan 355 cütlük iştirak edib. Maraqlıdır ki, kişilərin əksəriyyəti ailə həyatından məmnun olmasalar da, onlar bu narahatçılığı həyat yoldaşlarına biruzə vermir. Ailə həyatı üçün ehtiras uyğunluğu da ön plana çıxıb.\\Metbuat.az