"Dünyada Azərbaycanı demoqrafik baxımdan sabit ölkə kimi qiymətləndirmək olar".

"Report" xəbər verir ki, bunu "Əmək bazarı: islahatlar və perspektivlər" mövzusunda keçirilən konfransda əmək və əhalinin sosial müdafiəsi naziri Səlim Müslümov deyib. 

O bildirib ki, son statistikaya görə, ölkədə 9 milyon 883 mindən artıq insan var: "Əhalinin yaş strukturu göstərir ki, Azərbaycan əhalisi cavan əhalidir. Əhalinin 22 faizini 14 yaşa, 25 faizini 14-29 yaş arası, 46.1 faizini 30-64 yaş arası, 6.3 faizini 65 yaşdan çox olanlar təşkil edir".