ABŞ Milli Aeronavtika və Kosmos İdarəsinin (NASA) Marsa göndərdiyi “InSight” kosmos aparatı 100-dən çox səs qeydə alıb.

Teleqraf.com xəbər verir ki, NASA qeydə alınmış səsyazısını yayımlayıb.

“InSight”-in qeydə aldığı müəmmalı səslərinin 21-nin güclü zəlzələ, digərlərinin isə silkələnmə və digər faktorlara aid olduğu bildirilib.

Kosmos aparatının Marsdakı külək səsini də qeydə ala biləcək qədər həssas olduğu qeyd edilib.

Keçən ilin noyabr ayında “qırmızı planet”ə enən “InSight” ilk seysmik silkələnməni bu ilin aprel ayında qeydə almışdı.

Elm adamları Marsda baş verən zəlzələləri araşdıraraq, bu planetin yaranması haqda daha çox məlumat əldə edəcəyinə ümid edir.

Marsın geoloji baxımdan Yer kürəsi qədər aktiv olmadığı bildirilir. Burada Ayda olduğu kimi tektonik piltələr də yoxdur.